കാതലില്‍ ഓമനയുടെ ശബ്ദമായത് മലയാളികളുടെ പ്രിയതാരം ജോമോള്‍

കാതല്‍ മലയാളികള്‍ ഒന്നടങ്കം എാറ്റെടുത്തു കഴിഞ്ഞു. മമ്മൂട്ടിയുടെ മാത്യുവും ജ്യോതികയുടെ ഓമനയും എല്ലാവരുടെയും നൊമ്പരമാണിന്ന്. മലയാളമറിയാത്ത ജ്യോതികയ്ക്ക് മികച്ച രീതിയില്‍ ശബ്ദം നല്‍കിയത് ആരാണെന്ന അന്വേഷണവും പല കോണുകളില്‍ നിന്നുമുണ്ടായി. അത് മറ്റാരുമായിരുന്നില്ല. മലയാളികളുടെ പ്രിയതാരം ജോമോള്‍. ആദ്യമായാണ് മറ്റൊരു നടിക്കുവേണ്ടി ജോമോള്‍ ശബ്ദം നല്‍കുന്നത്. ഈ സന്തോഷം ഇന്‍സ്റ്റഗ്രാം പോസ്റ്റിലൂടെ പങ്കുവെയ്ക്കുന്നു ജോമോള്‍.

”കാതല്‍ എന്ന ചിത്രത്തിലേക്ക് അവസരം ലഭിച്ചപ്പോള്‍ എനിക്കാദ്യം ആശങ്കയായിരുന്നു. ശബ്ദം നല്‍കുന്ന കഥാപാത്രത്തോട് നീതി പുലര്‍ത്താനാവുമോ ഇന്നോര്‍ത്തായിരുന്നു ടെന്‍ഷന്‍. എന്നാല്‍ ഇന്നെനിക്ക് അഭിമാനവും സന്തോഷവും തോന്നുന്നു. ഇങ്ങനെയൊരു കഥാപാത്രത്തെ വിശ്വസിച്ച് എന്നെ എാല്‍പ്പിച്ച ടീമിനോടാണ് നന്ദി പറയാനുള്ളത്. എന്റെ ഹൃദയത്തോട് ചേര്‍ന്നു നില്‍ക്കുന്ന അവസരമായി ഇത് മാറി”. ജോമോള്‍ കുറിച്ചു.

നിമിഷനേരം കൊണ്ടാണ് കുറിപ്പ് വൈറലായത്. എല്ലാവര്‍ക്കും ഇതൊരു സര്‍പ്രൈസായിരുന്നു. ജോമോളെ അഭിനന്ദിച്ചുകൊണ്ട് ധാരാളം പേര്‍ രംഗത്തെത്തി. ജോമോളെ ഭാവിയിലും ഡബ്ബിംഗ് ആര്‍ട്ടിസ്റ്റായി കാണാന്‍ കഴിയുമെന്ന പ്രതീക്ഷയാണ് പലരും പങ്കുവെയ്ക്കുന്നത്.