റേസിങ് ബൈക്ക് ഇടിച്ചു തെറിപ്പിച്ച വീട്ടമ്മയ്ക്ക് ദാരുണാന്ത്യം

തിരുവനന്തപുരം :കോവളത്ത്‌ റേസിങ് ബൈക്ക് ഇടിച്ച് തെറിച്ചു വീണ വീട്ടമ്മ മരിച്ചു. വാഴമുട്ടം പനത്തുറ തുരുത്തിയിൽ കോളനിയിൽ സന്ധ്യ (54) യാണ് മരിച്ചത്. വഴിയിലൂടെ നടന്നു പോകുകയായിരുന്ന സന്ധ്യയെ അമിതവേഗത്തിലെത്തിയ റേസിങ് ബൈക്ക് ഇടിച്ചു തെറിപ്പിക്കുകയായിരുന്നു. തിരുവല്ലം-കോവളം ബൈപ്പാസിൽ ഇന്നു രാവിലെയായിരുന്നു അപകടം. റേസിങ് സംഘത്തിലെ യുവാവിനും പരുക്കേറ്റു. ഞായറാഴ്ചകളിൽ യുവാക്കൾ ഇവിടെ ബൈക്ക്‌ റേസിങ് നടത്തുന്നത് പതിവാണെന്നും പുറത്തിറങ്ങുന്നത് ഭീതിയോടെയാണെന്നും പ്രദേശവാസികൾ അറിയിച്ചു.