ബസില്‍ വിദ്യാര്‍ഥിനിക്ക് നേരേ ലൈംഗികാതിക്രമം; പോക്‌സോ കേസില്‍ പോലീസുകാരന്‍ റിമാന്‍ഡില്‍
1 min read
ഇരിങ്ങാലക്കുട: സ്വകാര്യബസിലെ യാത്രയ്ക്കിടെ വിദ്യാര്‍ഥിനിക്കുനേരെ ലൈംഗിക അതിക്രമം നടത്തിയ കേസില്‍ അറസ്റ്റിലായ പോലീസുകാരന്‍ റിമാന്‍ഡില്‍. പോക്‌സോ കേസിലാണ് അറസ്റ്റ്. സി.ബി.ഐ.യില്‍ ഡെപ്യൂട്ടേഷനിലുള്ള പോലീസ് ഡ്രൈവര്‍ പുല്ലൂര്‍ സ്വദേശി രതീഷ് മോനെ (38) യാണ് തൃശ്ശൂര്‍ പ്രിന്‍സിപ്പല്‍ പോക്‌സോ കോടതി റിമാന്‍ഡ് ചെയ്തത്.
തിങ്കളാഴ്ച രാവിലെയായിരുന്നു സംഭവം. തിരക്കുണ്ടായിരുന്ന ബസില്‍ ഇരുന്ന് യാത്രചെയ്തിരുന്ന രതീഷ് അടുത്തുനിന്ന പെണ്‍കുട്ടിക്കു നേരെ ലൈംഗികാതിക്രമം നടത്തുകയായിരുന്നു. പെണ്‍കുട്ടി പ്രതിരോധിച്ച് കരഞ്ഞ് ബഹളം വെച്ചു. തുടര്‍ന്ന് സഹയാത്രികര്‍ ഇടപെട്ട് ഇയാളെ തടഞ്ഞുവെച്ചശേഷം ഇരിങ്ങാലക്കുട സ്റ്റാന്‍ഡിലെത്തിച്ച് പോലീസിന് കൈമാറി.
സ്റ്റേഷനിലെത്തിച്ച് നടത്തിയ ചോദ്യംചെയ്യലിലാണ് പോലീസ് ഡ്രൈവറായിരുന്നെന്നും ഇപ്പോള്‍ ഡെപ്യൂട്ടേഷനില്‍ സി.ബി.ഐ. എറണാകുളം യൂണിറ്റില്‍ ഡ്രൈവറാണെന്നും വ്യക്തമായത്. ഇരിങ്ങാലക്കുട എസ്.എച്ച്.ഒ. അനീഷ് കരീം പോക്‌സോ കേസ് രജിസ്റ്റര്‍ചെയ്ത് പ്രതിയെ ചൊവ്വാഴ്ച തൃശ്ശൂര്‍ പ്രിന്‍സിപ്പല്‍ പോക്‌സോ കോടതിയില്‍ ഹാജരാക്കി. ജാമ്യം നല്‍കണമെന്ന പ്രതിഭാഗത്തിന്റെ വാദത്തെ പ്രോസിക്യൂഷന്‍ എതിര്‍ത്തു. തുടര്‍ന്ന് കോടതി പ്രതിയെ റിമാന്‍ഡ് ചെയ്തു.
Related posts:
പെന്ഷന് അനുവദിക്കത്തതിനെ തുടര്‍ന്ന് ഭിന്നശേഷിക്കാരന് തൂങ്ങിമരിച്ചു
സവാദ്: സൂചന കിട്ടിയത് ഇളയകുട്ടിയുടെ ജനനസര്ട്ടിഫിക്കറ്റില് നിന്ന്
പെരുമ്പാവൂരില് മൂന്നര വയസ്സുകാരിക്ക് നേരെ ലൈംഗികാതിക്രമം; രണ്ട് പേര് കസ്റ്റഡിയില്
അണയാതെ മണിപ്പുര് കലാപം!
പി.എഫ്.ഐ ഭീകര പ്രവര്ത്തനം: ഗ്രീന്വാലി ഏറ്റെടുത്തു
ആളൂരിന്റെ എല്ലൂരാൻ പെണ്ണുങ്ങൾ. കളംമാറ്റി ചവിട്ടി ആളൂരും
എന്റെ അന്വര് സാദത്തേ : ഒടുവില് മാപ്പ് പറഞ്ഞിട്ടെന്ത് കാര്യം. ചാന്ദ്നിയെ കൊന്നപ്പോഴും അവര്ക്ക് ...
ആലുവ പീഡന കൊല: മന്ത്രി പി.രാജീവിനെതിരെ ജി.ശക്തിധരന്
പെൺമക്കളുള്ള അച്ഛൻമാർക്ക് തോക്ക് അനുവദിക്കണം-ബിഗ്ബോസ് താരം അഖിൽ മാരാർ
നാണം കെട്ട് കേരളം - യു.പി മോഡല് വേണോ
മകളേ, മാപ്പ് എന്ന് കേരള പൊലീസ്മാപ്പും കോപ്പും വേണ്ടെന്ന് ജനം
കാത്തിരിപ്പിന് വിഫലം: അഞ്ച് വയസുകാരിയുടെ മൃതദേഹം ആലുവ മാര്ക്കറ്റില്
മണിപ്പൂരിലേത് വംശീയ കലാപം: വര്ഗീയ നിറം നല്കരുതന്നെ ആര്ച്ച് ബിഷപ്