തമിഴ് സൂപ്പര്‍ഹിറ്റ് ചിത്രങ്ങളുടെകലാസംവിധായകന്‍ ടി. സന്താനം അന്തരിച്ചു

പ്രശസ്ത തമിഴ് കലാസംവിധായകന്‍ ടി. സന്താനം അന്തരിച്ചു. ഹൃദയാഘാതത്തേത്തുടര്‍ന്നാണ് മരണമെന്ന തരത്തിലുള്ള റിപ്പോര്‍ട്ടുകളാണ് പുറത്തുവരുന്നത്. സെല്‍വരാഘവന്റെ സംവിധാനത്തില്‍ 2010-ല്‍ പുറത്തിറങ്ങിയ ആയിരത്തില്‍ ഒരുവന്‍ എന്ന ചിത്രത്തിലൂടെയാണ് സന്താനം കൂടുതല്‍ ശ്രദ്ധേയനായത്.

ആദ്യ ചിത്രമായ ‘ആയിരത്തില്‍ ഒരുവനിലെ’ പ്രൊഡക്ഷന്‍ ഡിസൈനിലൂടെ സമകാലിക കാലഘട്ടത്തെയും പുരാതന ചരിത്ര കാലഘട്ടത്തിലെ ജീവിതത്തെയും ആധികാരികമായി പ്രേക്ഷകരിലേക്ക് കൊണ്ടുവന്നതിന് ഏറെ പ്രശംസനേടിയ കലാകാരനായിരുന്നു സന്താനം. എ.ആര്‍ മുരുഗദോസ് സംവിധാനം ചെയ്ത വിജയ് ചിത്രം സര്‍ക്കാര്‍, രജനികാന്ത് ചിത്രം സര്‍ക്കാര്‍ തുടങ്ങിയ ബിഗ്ബജറ്റ് ചിത്രങ്ങളുടെ കലാസംവിധായകനായിരുന്നു സന്താനം.

കാര്‍ത്തിക് സുബ്ബരാജ് സംവിധാനം ചെയ്ത ‘മഹാന്‍ ‘ എന്ന ചിത്രത്തിന്റെയും ഭാഗമായിരുന്നു അദ്ദേഹം. എ.ആര്‍. മുരുഗദോസ് നിര്‍മിച്ച 1947 ആഗസ്റ്റ് 16 എന്ന പീരിയോഡിക് ചിത്രമാണ് സന്താനത്തിന്റേതായി റിലീസ് ചെയ്യാനിരിക്കുന്ന ചിത്രം.ഗൗതം കാര്‍ത്തിക്കും പുഗഴുമാണ് ഈ ചിത്രത്തില്‍ മുഖ്യവേഷങ്ങളിലെത്തുന്നത്.