മക്കള്ക്ക് വേണ്ടി ഒരുമിച്ചെത്തി ഐശ്വര്യയും ധനുഷും.
1 min read![](https://malayalinewslive.com/wp-content/uploads/2022/08/befunky-collage-10-_710x400xt.webp)
ഏതാനും മാസങ്ങള്ക്ക് മുന്പാണ് തമിഴ് നടന് ധനുഷും ഭാര്യ ഐശ്വര്യ രജനീകാന്തും വിവാഹ മോചനം നേടിയത്. സോഷ്യല് മീഡിയയിലൂടെ പുറത്തിറക്കിയ പ്രസ്താവനകളിലൂടെയാണ് ഇരുവരും വേര്പിരിയല് കാര്യം അറിയിച്ചത്. ഇത് വാര്ത്തകളിലും ഇടംനേടിയിരുന്നു. ഇപ്പോഴിതാ മക്കള്ക്ക് വേണ്ടി ഇരുവരും ഒന്നിച്ചെത്തിയ ഫോട്ടോയാണ് ശ്രദ്ധനേടുന്നത്.
![](http://malayalinewslive.com/wp-content/uploads/2022/08/93704181.webp)
മക്കള് യാത്രയുടെയും ലിംഗയുടെയും സ്കൂളിലെ പരിപാടിക്ക് വേണ്ടിയാണ് ധനുഷും ഐശ്വര്യയും ഒന്നിച്ചെത്തിയത്. വിവാഹമോചന ശേഷം ധനുഷും ഐശ്വര്യയും ആദ്യമായി പൊതുവേദിയില് എത്തുന്നുവെന്ന പ്രത്യേകതയും ഈ പരിപാടിക്കുണ്ടായിരുന്നു.
മൂത്ത മകന് യാത്രയെ സ്കൂളിലെ സ്പോര്ട്സ് ടീമിന്റെ ക്യാപ്റ്റനായി തെരഞ്ഞെടുക്കുന്ന പരിപാടിക്കാണ് ധനുഷും ഐശ്വര്യയും എത്തിയതെന്നാണ് റിപ്പോര്ട്ടുകള്. ഇവര്ക്കൊപ്പം ഗായകന് വിജയ് യേശുദാസും ഭാര്യ ദര്ശനയുമുണ്ട്. ഇവരും വിവാഹമോചിതരായെന്ന തരത്തിലുള്ള വാര്ത്തകള് നേരത്തെ പുറത്തുവന്നിരുന്നു.
2004 നവംബര് 18നായിരുന്നു ധനുഷ് ഐശ്വര്യ വിവാഹം. യത്ര, ലിംഗ എന്നീ പേരുകളുള്ള രണ്ട് ആണ്മക്കളുണ്ട്. വളര്ച്ചയുടെയും മനസിലാക്കലിന്റെയും യാത്രയായിരുന്നു ഇതെന്നും ഇപ്പോള് തങ്ങള് ഇരുവരുടെയും വഴികള് പിരിയുന്ന സമയമാണെന്നും ധനുഷിന്റെയും ഐശ്വര്യയുടെയും വേര്പിരിയല് കുറിപ്പില് പറഞ്ഞിരുന്നു.
![](http://malayalinewslive.com/wp-content/uploads/2022/08/Dhanush-and-Aishwarya-divorce-_1200x768_1647530844328_1647530851425-1024x576.webp)
സുഹൃത്തുക്കളും പങ്കാളികളുമായി 18 വര്ഷത്തെ ഒരുമിച്ചുനില്ക്കല്, മാതാപിതാക്കളായും പരസ്!പരമുള്ള അഭ്യുദയകാംക്ഷികളായും. വളര്ച്ചയുടെയും മനസിലാക്കലിന്റെയും ക്രമപ്പെടുത്തലിന്റെയും ഒത്തുപോവലിന്റെയുമൊക്കെ യാത്രയായിരുന്നു ഇത്.. ഞങ്ങളുടെ വഴികള് പിരിയുന്ന ഒരിടത്താണ് ഇന്ന് ഞങ്ങള് നില്ക്കുന്നത്. പങ്കാളികള് എന്ന നിലയില് വേര്പിരിയുന്നതിനും വ്യക്തികള് എന്ന നിലയില് ഞങ്ങളുടെ തന്നെ നന്മയ്ക്ക് സ്വയം മനസിലാക്കുന്നതിന് സമയം കണ്ടെത്താനും ഐശ്വര്യയും ഞാനും തീരുമാനിച്ചിരിക്കുന്നു. ഞങ്ങളുടെ തീരുമാനത്തെ ദയവായി ബഹുമാനിക്കൂ. ഇതിനെ കൈകാര്യം ചെയ്യാന് അവശ്യം വേണ്ട സ്വകാര്യത ഞങ്ങള്ക്ക് നല്കൂ എന്നതായിരുന്നു ഇവരുടെ വിവാഹ മോചനത്തെ തുടര്ന്ന് പുറത്തിറക്കിയ പ്രസ്താവന.