സത്യൻ അന്തിക്കാടിന് വേണ്ടി തിരക്കഥ എഴുതാൻ അഭിലാഷ്പിള്ള 

മാളികപ്പുറത്തിന്റെ തിരക്കഥ അഭിലാഷ് പിള്ളയുടെതാണ്

സംവിധായകൻ സത്യൻ അന്തിക്കാടിനുവേണ്ടി തിരക്കഥ എഴുതാൻ ആഗ്രഹമുണ്ടെന്ന് അഭിലാഷ്പിള്ള. സിനിമ സ്വപ്നം കണ്ടു തുടങ്ങിയത് സത്യൻ അന്തിക്കാടിനെയും അദ്ദേഹത്തിന്റെ നാടോടിക്കാറ്റുമൊക്കെ കണ്ടിട്ടാണെന്ന് പറയുന്നു അദ്ദേഹം. ജനപ്രിയ ചിത്രമായ മാളികപ്പുറത്തിന്റെ തിരക്കഥ രചിച്ചത് അഭിലാഷ് പിള്ളയാണ്.  

നാടോടിക്കാറ്റും സത്യൻ അന്തിക്കാട് സാറും. സിനിമ സ്വപ്നം കാണാൻ വേറെന്ത് വേണം. നന്മയുള്ള കുറേയധികം കഥകളും കഥാപാത്രങ്ങളും നമുക്ക് വേണ്ടിയൊരുക്കിയ മാസ്റ്റർ. സാറിനുവേണ്ടി തിരക്കഥ എഴുതാൻ ആഗ്രഹമുണ്ട്. സാറിന്റെ തന്നെ സിനിമയിലെ ഡയലോഗ് കടമെടുത്താൽ എല്ലാത്തിനും അതിന്റെതായ സമയമുണ്ടല്ലോ. അഭിലാഷ് പിള്ള പറയുന്നു. 

അത്ഭുത ദ്വീപിന് രണ്ടാം ഭാഗം വരുന്നു എന്ന് സംവിധായകൻ വിനയൻ പ്രഖ്യാപിച്ചിട്ടുണ്ട്. അഭിലാഷ് പിള്ളയും ഈ ടീമിലുണ്ട്. ഉണ്ണി മുകുന്ദനാണ് പക്രുവിനൊപ്പം പ്രധാന വേഷത്തിൽ എത്തുന്നത്. 2024ലായിരിക്കും സിനിമ പ്രേക്ഷകരിലേക്ക് എത്തുന്നത്.