മോളിവുഡില്‍ ചരിത്രം സൃഷ്ടിച്ച് മമ്മൂക്ക

മലയാള സിനിമയില്‍ പുതിയ ചരിത്രം കുറിച്ച് മമ്മൂട്ടി. 2010 മുതല്‍ 2019 കാലഘട്ടങ്ങളില്‍ മോശം തെരെഞ്ഞെടുപ്പിന്റയും വമ്പന്‍ വിജയങ്ങള്‍ ഇല്ലാത്തതിന്റെയും പേരില്‍ ഏറെ പഴികേട്ടിരുന്നു മമ്മൂക്ക. എന്നാല്‍ തുടര്‍ച്ചയായ മൂന്നാം വര്‍ഷവും 50 കോടി ക്ലബില്‍ ഇടം നേടിയിരിക്കുകയാണ് ഇപ്പോള്‍. 2022ല്‍ അമല്‍ നീരദ് സംവിധാനം ചെയ്ത ഭീഷ്മപര്‍വ്വവും 2023ല്‍ കണ്ണൂര്‍ സ്‌ക്വാഡും 50 കോടി ക്ലബില്‍ ഇടം നേടിയിരുന്നു. ഈ മാസം പുറത്തിറങ്ങിയ ഹൊറര്‍ മിസ്റ്ററി ത്രില്ലറായ ഭ്രമയുഗവും  50 കോടി കൈവരിച്ചതോടെയാണ് മമ്മൂട്ടി ഈ നേട്ടത്തിലെത്തുന്നത്.  11 ദിവസം കൊണ്ടാണ് ചിത്രം ആഗോളതലത്തില്‍ ഈ നേട്ടം കൈവരിച്ചിരിക്കുന്നത്. കേരളത്തില്‍ നിന്ന് മാത്രമല്ല വിദേശത്ത് നിന്നും മികച്ച പ്രതികരണമാണ് ലഭിക്കുന്നത്. 19 കോടിയാണ് ഭ്രമയുഗത്തിന്റെ ഇന്ത്യന്‍ കളക്ഷന്‍.