ജപ്പാന്റെ പൂജ കഴിഞ്ഞു, രാജു മുരുഗന്റെ സംവിധാനത്തില്‍ കാര്‍ത്തി

തമിഴകത്ത് വിജയത്തിളക്കത്തിലുള്ള താരമാണ് കാര്‍ത്തി. കാര്‍ത്തി നായകനായി ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രം ‘സര്‍ദാര്‍’ വന്‍ ഹിറ്റായി മാറിയിട്ടുണ്ട്. ആഗോളതലത്തില്‍ കാര്‍ത്തി ചിത്രം 100 കോടി ക്ലബിലെത്തിയ വിശേഷം കഴിഞ്ഞ ദിവസം പങ്കുവെച്ചിരുന്നു. കാര്‍ത്തിയുടെ പുതിയ ചിത്രത്തിന്റെ വാര്‍ത്തയാണ് ഇപ്പോള്‍ വരുന്നത്.

‘ജപ്പാന്‍’ എന്ന ചിത്രത്തിലാണ് കാര്‍ത്തി ഇനി നായകനാകുന്നത്. രാജു മുരുഗന്‍ സംവിധാനം ചെയ്യുന്ന ചിത്രത്തിന്റെ പൂജാ ചടങ്ങുകള്‍ കഴിഞ്ഞു. ജി വി പ്രകാശ് കുമാറാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. അനു ഇമ്മാനുവേല്‍ ആണ് ചിത്രത്തിലെ നായിക.

പി എസ് മിത്രനാണ് കാര്‍ത്തിയുടെ ‘സര്‍ദാര്‍’ സംവിധാനം ചെയ്!തത്. ലക്ഷ്!മണ്‍ കുമാറാണ് ചിത്രം നിര്‍മ്മിച്ചത്. പ്രിന്‍സ് പിക്‌ചേഴ്‌സിന്റെ ബാനറില്‍ ആയിരുന്നു റൂബന്‍ എഡിറ്റിങ്ങ് നിര്‍വഹിച്ച ചിത്രത്തിന്റെ നിര്‍മാണം. ജോര്‍ജ്ജ് സി വില്യംസ് ഛായാഗ്രഹണം നിര്‍വഹിച്ച ‘സര്‍ദാറി’ന്റെ തിരക്കഥ എഴുതിയിരിക്കുന്നതും സംവിധായകന്‍ പി എസ് മിത്രന്‍ തന്നെയാണ്.