എമ്പുരാന്‍ പോസ്റ്റുമായി പൃഥ്വി; ‘സീന്‍ കാണുന്നില്ലല്ലോ മച്ചാനെ’ന്ന് ആരാധകര്‍

പ്രഖ്യാപന സമയം മുതല്‍ ഏറെ വാര്‍ത്താപ്രാധാന്യം നേടിയ ചിത്രമാണ് ‘എമ്പുരാന്‍’. പൃഥ്വിരാജിന്റെ സംവിധാനത്തില്‍ മോഹന്‍ലാല്‍ നായകനായി എത്തിയ ലൂസിഫറിന്റെ രണ്ടാം ഭാ?ഗം എന്നത് തന്നെയായിരുന്നു അതിന് കാരണം. സ്റ്റീഫന്‍ നെടുമ്പള്ളിയായി മോഹന്‍ലാല്‍ തകര്‍ത്തഭിനയിച്ച ചിത്രവുമായി ബന്ധപ്പെട്ട് വരുന്ന അപ്‌ഡേറ്റുകള്‍ക്ക് കാഴ്ചക്കാര്‍ ഏറെയാണ്. ഇപ്പോഴിതാ പൃഥ്വിരാജ് പങ്കുവച്ചൊരു പോസ്റ്റാണ് ശ്രദ്ധനേടുന്നത്.

തിരക്കഥയുടെ ലാസ്റ്റ് ഭാഗത്തിന്റെ ഫോട്ടോയാണ് പൃഥ്വിരാജ് പങ്കുവച്ചിരിക്കുന്നത്. ‘ഷോര്‍ട്ട് അവസാനിക്കുന്നു
Black out (സ്‌ക്രീനില്‍) Title L L2E E.M.P.U.R.A.A.N’, എന്നാണ് ഫോട്ടോയില്‍ ദൃശ്യമാകുന്നത്. പിന്നാലെ കമന്റുകളുമായി ആരാധകരും സിനിമാസ്വാദകരും രം?ഗത്തെത്തി.

‘വായിച്ചിട്ട് അങ്ങട് വ്യക്തം ആകുന്നില്ല്യ, കട്ട വെയ്റ്റിംഗ്, എത്ര സൂക്ഷമമായി നോക്കിയിട്ടും സീന്‍ കാണുന്നില്ലല്ലോ മച്ചാ….എന്തായാലും ശേഷം സ്‌ക്രീനില്‍ L2E ടൈറ്റില്‍ അത് പൊളിച്ചു, ക്ലൈമാക്‌സ് വായിക്കാന്‍ പറ്റുന്നില്ല .. anyway സ്‌ക്രീനില്‍ കാണാന്‍ waiting, ആ പേപ്പര്‍ ഒന്നു നിവര്‍ത്തിപിടിച്ചിരുന്നെങ്കില്‍….വായിക്കാമായിരുന്നു അക്ഷരതെറ്റുണ്ടോ എന്നറിയാലോ’, എന്നിങ്ങനെ പോകുന്നു കമന്റുകള്‍.