കുന്നംകുളത്ത് എംഡിഎംഎയുമായി യുവാവ് പിടിയില്‍

കുന്നംകുളം സിന്തറ്റിക് മയക്കുമരുന്നായ എം. ഡി. എം. എയുമായി യുവാവിനെ ലഹരി വിരുദ്ധ സ്‌ക്വാഡും കുന്നംകുളം പോലീസും ചേര്‍ന്ന് പിടികൂടി. പഴഞ്ഞി പെരുന്തുരുത്തി നടുവില്‍പാട്ട് വീട്ടില്‍ ശ്രീജീത്ത് (24) ആണ് പിടിയിലായത്.

പോലീസിന് ലഭിച്ച രഹസ്യ വിവരത്തെ തുടര്‍ന്ന് നടത്തിയ പരിശോധനയില്‍ തൃശൂര്‍ ഭാഗത്ത് നിന്ന് കുന്നംകുളം ഭാഗത്തേക്ക് വന്ന പ്രതിയെ കേച്ചേരി സെന്ററില്‍ നിന്നും പിടിക്കുകയായിരുന്നു.  പരിശോധനയില്‍ ശ്രീജിത്തിന്റെ കൈയില്‍ നിന്നാണ് 3.3 ഗ്രാം എം. ഡി. എം. എ കണ്ടെത്തി. പോലീസ് സംഘത്തില്‍ എസ്. ഐ. രാജീവ്, ജൂനിയര്‍ എസ്. ഐ നന്ദകുമാര്‍, സി. പി. ഓമാരായ രവി, ജോണ്‍സണ്‍, ശരത്ത്, ആശിഷ്, സുജിത്ത് എന്നിവരുമുണ്ടായിരുന്നു.