എനിക്കിത്തിരി നന്മ കൂടുതലാണെന്ന ആക്ഷേപം ഇതോടെ മാറിക്കിട്ടും: വിനീത് ശ്രീനിവാസന്
1 min read
‘അഡ്വ. മുകുന്ദന് ഉണ്ണി’യിലൂടെ തന്റെ നന്മ മാറികിട്ടുമെന്ന് വിനീത് ശ്രീനിവാസന്. വിനീത് ശ്രീനിവാസനെ നായകനാക്കി നവാഗതനായ അഭിനവ് സുന്ദര് നായക് സംവിധാനം ചെയ്യുന്ന ചിത്രമാണ് ‘മുകുന്ദന് ഉണ്ണി അസോസിയേറ്റ്സ്’. പേര് സൂചിപ്പിക്കുന്നത് പോലെ വക്കീലായിട്ടാണ് ചിത്രത്തില് വിനീത് ശ്രീനിവാസന് എത്തുന്നത്. കേസില്ലാ വക്കീലാണ് ചിത്രത്തിലെ ‘അഡ്വ. മുകുന്ദന് ഉണ്ണി’.
ഞാന് ചെയ്യുന്ന ചിത്രങ്ങളിലെല്ലാം നന്മ കൂടുതലാണെന്ന ഒരു ആക്ഷേപം പൊതുവെ ഉണ്ട്. അത് ഇതോടെ മാറിക്കിട്ടും. ഇതുവരെ ചെയ്!തതില് നിന്നും തീര്ത്തും വ്യത്യസ്!തനായി സ്വാര്ത്ഥനായ ഒരാളാണ് ‘അഡ്വ. മുകുന്ദന് ഉണ്ണി’. അതുകൊണ്ട് തന്നെ എന്താകും പ്രേക്ഷകപ്രതികരണം എന്നറിയാനുള്ള കാത്തിരിപ്പിലാണ് ഞാന്. നല്ല ക്യൂരിയോസിറ്റിയുണ്ടെന്നും താരം പ്രതികരിച്ചു. ചിത്രത്തിന്റെ പ്രചരണാര്ത്ഥം കൊച്ചിയില് വെച്ച് നടന്ന വിദ്യാത്ഥികളുമായുള്ള ആശയവിനിമയത്തിനിടയിലായിരുന്നു താരം ഇക്കാര്യം പറഞ്ഞത്. സുരാജ് വെഞ്ഞാറുംമൂട്, സുധി കോപ്പ, തന്വിറാം, ജോര്ജ്ജ് കോര, മണികണ്ഠന് പട്ടാമ്പി, സുധീഷ്, അല്ത്താഫ് സലിം, നോബിള് ബാബു തോമസ്, ബിജു സോപാനം, റിയാസെറ, വിജയന് കാരന്തൂര് തുടങ്ങിയവരാണ് മറ്റ് പ്രധാന അഭിനേതാക്കള്.
ഡോക്ടര് അജിത് ജോയ് ആണ് ചിത്രം നിര്മ്മിക്കുന്നത്. ജോയ് മൂവി പ്രൊഡക്ഷന്സിന്റെ ബാനറിലാണ് നിര്മാണം. ഡാര്ക്ക് കോമഡി, ഡ്രാമ, ത്രില്ലര് വിഭാഗങ്ങളിലെല്ലാം ഉള്പ്പെടുത്താവുന്ന ചിത്രമാണ് ‘മുകുന്ദന് ഉണ്ണി അസോസിയേറ്റ്സ്’. പ്രൊഡക്ഷന് കണ്ട്രോളര് മനോജ് പൂക്കുന്നം,
വിമല് ഗോപാലകൃഷ്ണനും സംവിധായകനും ചേര്ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. നിധിന്രാജ് ആരോളും സംവിധായകനും ചേര്ന്നാണ് ചിത്രത്തിന്റെ എഡിറ്റിങ്ങ് നടത്തിയിരിക്കുന്നത്. വിശ്വജിത്ത് ഒടുക്കത്തിലാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. സംഗീത സംവിധാനം സിബിമാത്യു അലക്സ്, എക്സിക്യൂട്ടീവ് പ്രൊഡ്യൂസര് പ്രദീപ് മേനോന്സൗണ്ട് ഡിസൈന് രാജകുമാര് പി, ആര്ട്ട് വിനോദ് രവീന്ദ്രന്, കോസ്റ്റ്യൂംസ് ഗായത്രി കിഷോര്.