ധനുഷിന്റെ രചനയില് പ്രണയഗാനം, ‘വാത്തി’യുടെ അപ്ഡേറ്റുമായി ജി വി പ്രകാശ് കുമാര്
1 min read
ധനുഷ് നായകനാകുന്ന പുതിയ ചിത്രമാണ് ‘വാത്തി’. വെങ്കി അറ്റ്!ലൂരി ആണ് ചിത്രം സംവിധാനം ചെയ്യുന്നത്. മലയാളി താരം സംയുക്ത മേനോനാണ് നായിക. ‘വാത്തി’യിലെ ഗാനത്തെ കുറിച്ചുള്ളതാണ് പുതിയ വാര്ത്ത.
‘വാത്തി’യിലെ ആദ്യ ഗാനം ഉടന് പുറത്തുവിടും. ചിത്രത്തിലെ പ്രണയ ഗാനം ധനുഷ് തന്നെയാണ് എഴുതിയിരിക്കുന്നത്. സംഗീത സംവിധായകന് ജി വി പ്രകാശ് കുമാറാണ് ഇക്കാര്യം സംബന്ധിച്ച വിവരം പുറത്തുവിട്ടിരിക്കുന്നത്. ഡിസംബര് രണ്ടിന് റിലീസ് ചെയ്യുന്ന ചിത്രത്തിന്റെ ഓഡിയോ റൈറ്റ്!സ് 3.75 കോടി രൂപയ്ക്ക് ആദിത്യ മ്യൂസിക് സ്വന്തമാക്കിയിരുന്നു. ഗവംശി എസും സായ് സൗജന്യയും ചേര്ന്നാണ് ‘വാത്തി’ നിര്മിക്കുന്നത്. നവീന് നൂളി ആണ് ചിത്രത്തിന്റെ ചിത്രസംയോജനം നിര്വഹിക്കുന്നത്. ധനുഷ് നായകനാകുന്ന ചിത്രത്തിന്റെ തിരക്കഥ എഴുതുന്നത് വെങ്കി അറ്റ്!ലൂരി തന്നെയാണ്.
‘നാനേ വരുവേന്’ എന്ന ചിത്രമാണ് ധനുഷിന്റേതായി ഏറ്റവും ഒടുവില് പ്രദര്ശനത്തിന് എത്തിയത്. ധനുഷിന്റെ സഹോദരന് സെല്വരാഘവന് ആണ് ചിത്രം സംവിധാനം ചെയ്തത്. സെല്വരാഘവന് അതിഥി കഥാപാത്രമായി ചിത്രത്തില് അഭിനയിക്കുന്നുമുണ്ട്. ഇന്ദുജ ആണ് ചിത്രത്തിലെ നായിക. ധനുഷ് തന്നെയാണ് ചിത്രത്തിന്റെ കഥ എഴുതിയത്. ധനുഷിന്റെ പ്രകടനത്തിന് മികച്ച അഭിപ്രായങ്ങള് നേടാനായിരുന്നു. ബോക്സ് ഓഫീസില് ചിത്രം മോശമല്ലാത്ത വിജയം സ്വന്തമാക്കിയിരുന്നു.
ചിത്രത്തിലെ ഗാനങ്ങളും റിലീസിന് മുന്നേ തന്നെ ശ്രദ്ധിക്കപ്പെട്ടിരുന്നു. യുവാന് ശങ്കര് രാജയാണ് ചിത്രത്തിന്റെ സംഗീത സംവിധായകന്. ‘സാനി കായിദ’ത്തിന്റെ ക്യാമറ കൈകാര്യം ചെയ്ത യാമിനി യജ്ഞമൂര്ത്തിയാണ് ഛായാഗ്രഹണം. കലാസംവിധാനം ബി കെ വിജയ് മുരുകന്. ‘നാനേ വരുവേന്’ എന്ന ചിത്രം നിര്മിച്ചിരിക്കുന്നത് കലൈപ്പുലി എസ് താണുവാണ്. വി ക്രിയേഷന്സിന്റെ ബാനറില് ആണ് ചിത്രത്തിന്റെ നിര്മാണം. വിഎഫ്എക്സ് സൂപ്പര്വൈസര് പ്രവീണ് ഡി ആണ്.