ഷാരോണ്രാജ് വധക്കേസ്: ഗ്രീഷ്മയുടെ അമ്മയേയും അമ്മാവനേയും എത്തിച്ച് തെളിവെടുപ്പ്, ഗ്രീഷ്മയെ കസ്റ്റഡിയില് വാങ്ങും
1 min read
തിരുവനന്തപുരം : പാറശ്ശാല ഷാരോണ് രാജ് വധക്കേസില് അറസ്റ്റിലായ ഗ്രീഷ്മയുടെ അമ്മ സിന്ധു, അമ്മാവന് നിര്മ്മല് കുമാര് എന്നിവരുമായി ഇന്ന് അന്വേഷണസംഘം തെളിവെടുപ്പ് നടത്തും. രാമവര്മ്മന്ചിറയിലെ ഗ്രീഷ്മയുടെ വീട്ടിലെത്തിയാകും തെളിവെടുപ്പ്. തെളിവ് നശിപ്പിക്കാന് ശ്രമിച്ചതിനാണ് ഇരുവരേയും പ്രതിചേര്ത്തത്. ഗ്രീഷ്മയുടെ അച്ഛനേയും മറ്റൊരു ബന്ധുവിനേയും ഒരുവട്ടം കൂടി ചോദ്യം ചെയ്യും.
മെഡിക്കല് കോളേജ് ആശുപത്രിയില് ഐസിയുവിലുള്ള രേഷ്മയെ ഇന്നലെ രാത്രി റിമാന്ഡ് ചെയ്തിരുന്നു. 24 മണിക്കൂര് നിരീക്ഷണത്തിലുള്ള ഗ്രീഷ്മയെ ആശുപത്രി സെല്ലിലേക്കോ ജിയിലിലേക്കോ മാറ്റും. ഡിസ്ചാര്ജ് ചെയ്യണോ എന്നതില് മെഡിക്കല് ബോര്ഡ് തീരുമാനമെടുക്കും.ഗ്രീഷ്മയെ കസ്റ്റഡിയിലെടുക്കാനുള്ള അപേക്ഷ അന്വേഷണസംഘം കോടതിയില് നല്കും. സംഭവ ദിവസം ഷാരോണ് രാജ് ധരിച്ച വസ്ത്രം ഫോറന്സിക് പരിശോധനയ്ക്കായി കുടുംബം അന്വേഷണസംഘത്തിന് കൈമാറും
മറ്റൊരു വിവാഹം ഉറപ്പിച്ചപ്പോള് ഷാരോണിനെ ഒഴിവാക്കാന് വേണ്ടിയായിരുന്നു കൊലപാതകമെന്നും കഷായത്തില് വിഷം കലര്ത്തി നല്കുകയായിരുന്നുവെന്നുമാണ് ഗ്രീഷ്മ പൊലീസിനോട് കുറ്റസമ്മതം നടത്തിയത്. തുരിശിന്റെ (കോപ്പര് സല്ഫേറ്റ്) അംശം കഷായത്തില് ഉണ്ടായിരുന്നു. പോസ്റ്റുമോര്ട്ടം നടത്തിയ ഡോക്റുടെ മൊഴിയും കേസന്വേഷണത്തില് നിര്ണായകമായി.