സാമൂഹിക ശാസ്ത്ര അധ്യാപകന് വിദ്യാര്ത്ഥിനികളോട് മോശമായി പെരുമാറി; എസ് എഫ് ഐ സമരം
1 min read
കണ്ണൂര്: ഇരിട്ടി കാക്കയങ്ങാട് പാല ഹയര് സെക്കണ്ടറി സ്കൂളിലെ അധ്യാപകന് വിദ്യാര്ത്ഥിനികളോട് മോശമായി പെരുമാറി എന്നാരോപിച്ച് സ്കൂളില് എസ്എഫ്ഐ സമരം. സ്കൂളിലെ സാമൂഹിക ശാസ്ത്ര അധ്യാപകന് ഹസ്സന് മാസ്റ്റര്ക്കെതിരെയാണ് പരാതി. ഇയാള് പെണ്കുട്ടികളോട് മോശമായി പെരുമാറിയെന്ന് വിദ്യാര്ത്ഥിനികള് കൗണ്സിലിംഗിനിടെയാണ് അധ്യാപികയോട് വെളിപ്പെടുത്തിയത്. കുട്ടികളെ വെളിപ്പെടുത്തലിനെ തുടര്ന്ന് സ്കൂള് അധികൃതര് ചൈല്ഡ് ലൈനിനും പൊലീസിനും പരാതി നല്കി. ഇതിന് പിന്നാലെയാണ് അധ്യാപകനെതിരെ എസ്എഫ്ഐ സമരം ആരംഭിച്ചത്.
ഹസ്സന്, സ്കൂളിലെ സാമൂഹിക ശാസ്ത്ര അധ്യാപകനാണ്. ഇയാള് വിദ്യാര്ത്ഥിനികളോട് മോശമായി പെരുമാറിയെന്നാണ് പരാതി. അധ്യാപിക നടത്തിയ കൗണ്സിലിങ്ങിനിടെയാണ് വിദ്യാര്ത്ഥിനികള് ഇക്കാര്യം തുറന്ന് പറയുന്നത്. പൊലീസിനും ചൈല്ഡ് ലൈനിനും പരാതി നല്കിയിട്ടുണ്ടെന്നും അന്വേഷണം നടക്കട്ടെയെന്നും സ്കൂള് അധികൃതരും പറയുന്നു.
പൊലീസ്, ഹസ്സന് മോശമായി പെരുമാറിയെന്ന് പരാതിപ്പെട്ട കുട്ടികളുടെ മൊഴി എടുക്കുകയാണ്. മൊഴി എടുക്കുന്നത് പൂര്ത്തിയാക്കിയ ശേഷം കേസെടുക്കുമെന്ന് പൊലീസ് അറിയിച്ചു. വിദ്യാര്ത്ഥികളോട് ലൈംഗിക താത്പര്യത്തോടെ ഇയാള് പെരുമാറിയെന്നാണ് പരാതി. അതിനാല് പോക്സോ പ്രകാരമാകും കേസെടുക്കുക. അധ്യാപകനെ പുറത്താക്കണമെന്നാവശ്യപ്പെട്ടാണ് എസ്എഫ്ഐ സ്കൂളില് സമരം ആരംഭിച്ചത്.