ശബരിമല വിശേഷം : പതിനെട്ടാംപടി

18 മലകളിലെ 18 മലദൈവങ്ങള്‍ക്കു നടുവിലാണ് ശബരിമല ശ്രീധര്‍മ്മ ശാസ്താ ക്ഷേത്രം സ്ഥിതിചെയ്യുന്നത്.  ഇഞ്ചിപ്പാറമല, കാളകെട്ടിമല, പുതുശ്ശേരിമല, കരിമല, നീലിമല, തലപ്പാറമല, നിലയ്ക്കല്‍മല, ദേവര്‍മല, ശ്രീപാദമല, മൈലാടുംമല, മാതംഗമല, ഖല്‍ഗിമല, ചിറ്റമ്പലമേട്, സുന്ദരമല, നാഗമല, ഗൗണ്ടല്‍മല, പൊമ്പലമേട്, ശബരിമല എന്നിവയാണ് ആ 18 മലകള്‍. ഇതില്‍ പൊന്നമ്പലമേട് ശബരിമലയുടെ മൂലസ്ഥാനമാണ്.
ക്ഷേത്രത്തിലെ 18 പടികള്‍ ഈ 18 മലകളുടെ പ്രതീകമാണത്രേ. 18 മലദൈവങ്ങളെയും വണങ്ങി അയ്യപ്പനെ ദര്‍ശിക്കുന്നു എന്നാണ് സങ്കല്പം. ഈ മലദൈവങ്ങളെ പ്രീതിപ്പെടുത്താനാണ് ശബരിമലയില്‍ പടിപൂജ നടത്തുന്നത്. ക്ഷേത്രത്തിലെ എാറ്റവും ചെലവേറിയ പൂജയും പടിപൂജ തന്നെ.