കവുങ്ങുതോട്ടത്തിലെ തോട്ടില് 500 രൂപയുടെ കെട്ടുകണക്കിന് നോട്ടുകള് അന്വേഷിച്ചപ്പോള് കള്ളനോട്ട്
1 min read
മലപ്പുറം : മഞ്ചേരി മേലാക്കത്ത് ഉപേക്ഷിക്കപ്പെട്ട നിലയില് കള്ളനോട്ടുകള് കണ്ടെത്തി. 500 രൂപയുടെ കെട്ടുകണക്കിന് കള്ളനോട്ടുകളാണ് തോട്ടിലെ വെള്ളത്തില് ഉപേക്ഷിക്കപ്പെട്ട നിലയില് കണ്ടെത്തിയത്. മഞ്ചേരി പോലീസെത്തി ഇവ പരിശോധിച്ച് കസ്റ്റഡിയിലെടുത്തു. ചില നോട്ടുകള് കത്തിച്ച നിലയിലാണ്. ഒരേ സീരിയല് നമ്പറാണ് നോട്ടില് അച്ചടിച്ചിരിക്കുന്നത്. കവുങ്ങ് തോട്ടത്തിലെ വെള്ളത്തില് നോട്ടുകള് കണ്ടെത്തിയ നാട്ടുകാരാണ് പൊലീസില് വിവരമറിയിച്ചത്. പൊലീസ് കേസ് രജിസ്റ്റ!ര് ചെയ്ത് അന്വേഷണം ആരംഭിച്ചു.