പ്രിയങ്കയുടെ മാള്‍ട്ടിയുടെയും സോനത്തിന്റെ വായുവിന്റെയും ആദ്യ ദീപാവലി; ചിത്രങ്ങള്‍ വൈറല്‍
1 min read
ദീപാവലി ആഘോഷം കഴിഞ്ഞെങ്കിലും ബോളിവുഡ് താരങ്ങളുടെ സോഷ്യല്‍ മീഡിയ പോസ്റ്റുകള്‍ തുടരുകയാണ്. ഇപ്പോഴിതാ ഈ വര്‍ഷം അമ്മയായ ബോളിവുഡ് താരങ്ങളായ സോനം കപൂറിന്റെയും പ്രിയങ്ക ചോപ്രയുടെയും ചിത്രങ്ങളാണ് സൈബര്‍ ലോകത്ത് വൈറലാകുന്നത്. പ്രിയങ്കയുടെ മകള്‍ മാള്‍ട്ടിയുടെയും സോനത്തിന്റെ മകന്‍ വായുവിന്റെയും ആദ്യ ദീപാവലി ആയിരുന്നു ഇത്. അതുകൊണ്ട് തന്നെ ഇരുവര്‍ക്കും ഈ ദീപാവലി കുറച്ച് സ്‌പെഷ്യലാണ്. കുഞ്ഞിനൊപ്പം ദീപാവലി ആഘോഷിച്ച പ്രിയങ്കയുടെയും സോനത്തിന്റെയും ചിത്രങ്ങളാണ് ഇപ്പോള്‍ പ്രചരിക്കുന്നത്.
പ്രിയപ്പെട്ടവര്‍ക്കൊപ്പമുള്ള മനോഹരമായ ദീപാവലി എന്നാണ് ചിത്രങ്ങള്‍ ഇന്‍സ്റ്റഗ്രാമില്‍ പങ്കുവച്ച് പ്രിയങ്കയുടെ ഭര്‍ത്താവും അമേരിക്കന്‍ ഗായകനുമായ നിക്ക് ജൊനാസ് കുറിച്ചത്. മൂവരും വെള്ള വസ്ത്രത്തിലാണ് ദീപാവലി ആഘോഷിച്ചത്. മകളുടെ മുഖം മറച്ചാണ് ഇത്തവണയും ചിത്രം പങ്കുവച്ചത്. പ്രിയങ്കയും ചിത്രങ്ങള്‍ പങ്കുവച്ചിട്ടുണ്ട്. ഈ വര്‍ഷം ജനുവരിയിലാണ് ഇരുവരും വാടകഗര്‍ഭധാരണത്തിലൂടെ മകളെ വരവേറ്റത്. 2018 ല്‍ ആണ് പ്രിയങ്ക ചോപ്രയും നിക്ക് ജൊനാസും വിവാഹിതരാകുന്നത്. 2017ലെ ഗലെ പുരസ്‌കാര വേദിയില്‍ വച്ചാണ് ഇരുവരും കണ്ടുമുട്ടിയത്. പിന്നീട് പല പൊതുപരിപാടികളിലും ഒരുമിച്ചു പങ്കെടുത്ത ഇരുവരും പ്രണയത്തിലാവുകയായിരുന്നു.
മകന്‍ വായുവിനൊപ്പമുള്ള സോനത്തിന്റെ ചിത്രം പങ്കുവച്ചത് സഹോദരി റിയ ആണ്. ഇരുവരും ഓഫ് വൈറ്റ് നിറത്തിലുള്ള വസ്ത്രത്തിലാണ് ദീപാവലി ആഘോഷിച്ചത്. സോനത്തിന്റെ മടിയില്‍ ഇരിക്കുകയാണ് കുട്ടി വായു. കുഞ്ഞ് വായു അമ്മയുടെ മാറോട് ചേര്‍ന്ന് വിശപ്പ് അടക്കുന്ന ഒരു വീഡിയോയും കുറച്ച് ദിവസം മുമ്പ് വൈറലായിരുന്നു.
ഏറെ നാളത്തെ പ്രണയത്തിന് ശേഷം 2018ലാണ് സോനം കപൂറും വ്യവസായിയായ ആനന്ദ് അഹൂജയും വിവാഹിതരായത്. ഈ വര്‍ഷം സെപ്റ്റംബര്‍ മാസത്തിലാണ് സോനവും ഭര്‍ത്താവും തങ്ങളുടെ ആദ്യത്തെ കണ്‍മണിയെ വരവേറ്റത്. ‘വായു കപൂര്‍ അഹൂജ’ എന്നാണ് കുഞ്ഞിന്റെ പേര്. മകന്‍ ജനിച്ച സന്തോഷം ഇരുവരും ചേര്‍ന്നാണ് ഇന്‍സ്റ്റഗ്രാമിലൂടെ ആരാധകരുമായി പങ്കുവച്ചത്. ‘തുറന്ന ഹൃദയത്തോടെ ഞങ്ങള്‍ ഞങ്ങളുടെ ആണ്‍കുഞ്ഞിനെ സ്വാഗതം ചെയ്തു. ഈ യാത്രയില്‍ ഒപ്പം നിന്ന എല്ലാ ഡോക്ടര്‍മാര്‍ക്കും നഴ്‌സുമാര്‍ക്കും സുഹൃത്തുക്കള്‍ക്കും കുടുംബാംഗങ്ങള്‍ക്കും നന്ദി. ഇത് ഒരു തുടക്കമാണെന്നറിയാം, പക്ഷേ ജീവിതം ഇനി എന്നെന്നേക്കുമായി മാറുമെന്നും ഞങ്ങള്‍ക്കറിയാം’ ഇരുവരും ഇന്‍സ്റ്റഗ്രാമില്‍ പങ്കുവച്ച പോസ്റ്റില്‍ കുറിച്ചു.
Related posts:
ഇനി മത്സരം മലയാളം പ്രേമലുവും തമിഴ് പ്രേമലുവും തമ്മില്
ഒരു ഗാനത്തിനായി ചിലവഴിച്ചത് 20 മണിക്കൂര്; പിറന്നത് ക്ലാസിക് ഗാനങ്ങള്
മാധവ് സുരേഷിന്റെ 'കുമ്മാട്ടിക്കളി' ഒരുങ്ങുന്നു
മമ്മൂട്ടി ചിത്രം ഒ.ടി.ടിക്കാര്ക്ക് വേണ്ട
ത്രില്ലറായ ജന ഗണ മന
കോടികളുടെ ആസ്തിയും വന് പ്രതിഫലവും
രാം ചരണിനെ അപമാനിച്ച് ഷാറൂഖ് ഖാന്
പ്രേമലുവിന്റെ ഫ്രീ ടിക്കറ്റ് സമ്മാനിച്ച് ഭാവന സ്റ്റുഡിയോസ്
ഭാര്ഗവിയുടെ നീലവെളിച്ചം
മലയാളത്തിന്റെ മണിമുത്ത് വിടപറഞ്ഞിട്ട് എട്ട് വര്‍ഷം !
ഡെവിള്സ് കിച്ചന് അങ്ങനെ ഗുണ കേവ്സായി
മുരളി അങ്ങനെ ചെയ്യുമെന്ന് കരുതിയില്ല: കമല്
ഒരു പിള്ളാര് പടം; മഞ്ഞുമ്മല് ബോയ്സ്