പശുവിനെ കെട്ടാന്‍ പോയ വയോധികയ്ക്ക് കടന്നല്‍ കുത്തേറ്റു, ചികിത്സയിലിരിക്കെ മരിച്ചു

1 min read

തിരുവനന്തപുരം: കടന്നല്‍ കുത്തേറ്റ് വയോധിക മരിച്ചു. കഴക്കൂട്ടം മേനംകുളം സ്വദേശിനി ലീലയാണ് മരിച്ചത്. 70 വയസായിരുന്നു. ഇന്നലെ ഉച്ചയ്ക്കാണ് വീട്ടിന് സമീപത്തെ പുരയിടത്തില്‍ വെച്ച് ലീലയ്ക്ക് കടന്നലിന്റെ കുത്തേറ്റത്. ഇവിടെ പശുവിനെ കെട്ടാനെത്തിയതായിരുന്നു ലീല. ഉടന്‍ തന്നെ കഴക്കൂട്ടത്തെ സ്വകാര്യ ആശുപത്രിയിലെത്തിച്ച ലീലയെ വിദഗ്ദ്ധ ചികിത്സയ്ക്കായി തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് മാറ്റിയിരുന്നു. ഇവിടെ ചികിത്സയിലിരിക്കെ ഇന്ന് പുലര്‍ച്ചെ മരണം സംഭവിക്കുകയായിരുന്നു.

Related posts:

Leave a Reply

Your email address will not be published.