കേരള സര്വ്വകലാശാല പരീക്ഷാ ഫലം പ്രഖ്യാപിച്ചു, പരീക്ഷ ഫീസ്, പുതുക്കിയ തീയതി, മറ്റ് വാര്ത്തകള്
1 min read
കേരളസര്വകലാശാല 2022 ഏപ്രിലില് നടത്തിയ രണ്ടാം സെമസ്റ്റര് ബി.വോക് ഫുഡ് പ്രോസസ്സിങ് ആന്റ് മാനേജ്മെന്റ് (356) (2020 അഡ്മിഷന് റഗുലര്) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനര്മൂല്യനിര്ണ്ണയത്തിനും നവംബര് 10 വരെ അപേക്ഷിക്കാവുന്നതാണ്.
കേരളസര്വകലാശാല 2022 ആഗസ്റ്റില് നടത്തിയ എം.ഫില് ബയോഇന്ഫര്മാറ്റിക്സ്, കമ്പ്യൂട്ടര് എയ്ഡഡ് ഡ്രഗ് ഡിസൈന് (സി.എ.ഡി. ഡി), കമ്പ്യൂട്ടര് സയന്സ് (20202021), സി.എസ്.എസ്, കാര്യവട്ടം പരീക്ഷയുടെ ഫലം പ്രസിദ്ധീകരിച്ചു.
കേരളസര്വകലാശാല 2022 സെപ്റ്റംബറില് നടത്തിയ എം.ഫില് കമ്പ്യൂട്ടര് സയന്സ് (2020 2021), സി.എസ്.എസ്, കാര്യവട്ടം പരീക്ഷയുടെ ഫലം പ്രസിദ്ധീകരിച്ചു.
പരീക്ഷ ഫീസ്
കേരളസര്വകലാശാല അഞ്ചാം സെമസ്റ്റര് സിബിസിഎസ്എസ് ബി.എ/ബി.എസ്സി /ബി.കോം ഡിഗ്രി (മേഴ്സി ചാന്സ് 2013 മുതല് 2016 അഡ്മിഷന് ) പരീക്ഷകള്ക്ക് പിഴകൂടാതെ നവംബര് 4 വരെയും 150 രൂപ പിഴയോടെ നവംബര് 7 വരെയും 400 രൂപ പിഴയുടെ നവംബര് 9 വരെയും ഓണ്ലൈനായി അപേക്ഷിക്കാവുന്നതാണ്.
ടൈംടേബിള്
കേരളസര്വകലാശാല നവംബര് 2 മുതല് നടത്തുന്ന ഒന്നാം സെമസ്റ്റര് എം.എ/എം.എസ്.സി/എം.കോം/എം.എസ്.ഡബ്ലിയു/ എം.എം.സി.ജെ മേഴ്സി ചാന്സ് പരീക്ഷയുടെ പുതുക്കിയ ടൈംടേബിള് പ്രസിദ്ധീകരിച്ചു. വിശദവിവരം വെബ്സൈറ്റില് ലഭ്യമാണ്.