കുസാറ്റില് എസ്എഫ്ഐ മാര്ച്ചിനിടെ ജില്ലാ പ്രസിഡന്റും സംഘവും കൈ അടിച്ച് ഒടിച്ചെന്ന് സെക്യൂരിറ്റി ജീവനക്കാരന്
1 min read
കൊച്ചി: കൊച്ചി ശാസ്ത്ര സാങ്കേതിക സര്വകലാശാലയിലേക്ക് എസ് എഫ് ഐ നടത്തിയ മാര്ച്ചിനിടെ ജില്ലാ പ്രസിഡന്റിന്റെ നേതൃത്വത്തിലുള്ള സംഘം കൈ അടിച്ചൊടിച്ചെന്ന് സെക്യൂരിറ്റി ജീവനക്കാരന്. ഇതുമായി ബന്ധപ്പെട്ട് കുസാറ്റിലെ സെക്യൂരിറ്റി ജീവനക്കാരനായ സോമന് കളമശേരി പൊലീസില് പരാതി നല്കി. എസ്എഫ്ഐ ജില്ലാ പ്രസിഡന്റ് പ്രജിതിന്റെ നേതൃത്വത്തിലുള്ള നാലംഗ സംഘമാണ് മര്ദ്ദിച്ചതെന്നാണ് പരാതി.
കുസാറ്റിലേക്ക് എസ്എഫ്ഐ നടത്തിയ സമരത്തിനിടെയായിരുന്നു മര്ദ്ദനമെന്നാണ് പരാതിയില് പറയുന്നത്. എന്നാല് ആരോപണം നിഷേധിച്ച് എസ്എഫ്ഐയും ജില്ലാ പ്രസിഡന്റ് പ്രജിതും രംഗത്തെത്തി. സെക്യൂരിറ്റി ജീവനക്കാരെ മര്ദ്ദിച്ചിട്ടില്ലെന്നും മാര്ച്ചിനിടെ ചെറിയ ഉന്തും തള്ളും മാത്രമാണ് ഉണ്ടായതെന്നും പറഞ്ഞ പ്രജിത്, സെക്യൂരിറ്റി ജീവനക്കാരന് പരിക്കേറ്റത് എങ്ങിനെയെന്ന് അറിയില്ലെന്നും പറഞ്ഞു.