വിഷയത്തില്‍ നിന്ന് തെന്നിമാറി, സമയം കഴിഞ്ഞിട്ടും പ്രസംഗം തുടര്‍ന്ന് ഹരിയാന മന്ത്രി; നിര്‍ത്തിച്ച് അമിത് ഷാ വീഡിയോ

1 min read

കേന്ദ്ര ആഭ്യന്തര മന്ത്രാലയം സംഘടിപ്പിച്ച പരിപാടിയില്‍ നടത്തിയ കൂടുതല്‍ സമയം സംസാരിച്ചതിന് ഹരിയാന ആഭ്യന്തര മന്ത്രി അനില്‍ വിജിനെ കേന്ദ്ര ആഭ്യന്തര മന്ത്രി അമിത് ഷാ പരസ്യമായി ശാസിച്ചു. അനില്‍ വിജിന്റെ എട്ടര മിനിറ്റ് പ്രസംഗത്തിനിടെ നാല് തവണയാണ് അമിത് ഷാ ഇടപ്പെട്ടത്. എന്നിട്ടും പ്രസം?ഗം തുടര്‍ന്ന മന്ത്രിയെ അമിത് ഷാ ഇടപെട്ട് അവസാനിപ്പിച്ചു. അഞ്ച് മിനിറ്റ് മാത്രമാണ് സംസാരിക്കാന്‍ അനുവദിച്ചതെന്ന് ഓര്‍മ്മപ്പെടുത്തുകയും ചെയ്തു. ഹരിയാനയിലെ സൂരജ്കുണ്ഡില്‍ കേന്ദ്ര ആഭ്യന്തര മന്ത്രാലയം സംഘടിപ്പിച്ച ശില്‍പശാലയുടെ ഉദ്ഘാടന ചടങ്ങിലായിരുന്നു സംഭവം. ഹരിയാന മുഖ്യമന്ത്രി മനോഹര്‍ ലാല്‍ ഖട്ടറായിരുന്നു മുഖ്യപ്രഭാഷണം.

പരിപാടിയില്‍ അമിത് ഷാക്ക് നന്ദി പറയുകയായിരുന്നു അനില്‍ വിജിന്റെ ചുമതല. എന്നാല്‍ അദ്ദേഹം വിഷയത്തില്‍ നിന്ന് തെന്നിമാറി ഹരിയാനയുടെ ചരിത്രത്തിലേക്കും ഹരിതവിപ്ലവത്തിനുള്ള സംഭാവനയിലേക്കും ഒളിമ്പിക്‌സിലെ സംസ്ഥാനത്തിന്റെ പ്രകടനത്തിലേക്കും സംസ്ഥാന സര്‍ക്കാര്‍ നിര്‍മ്മിച്ച കായിക അടിസ്ഥാന സൗകര്യങ്ങളിലേക്കും മാറി. എല്ലാ ആഴ്ചയും താന്‍ നടത്തുന്ന പരാതി പരിഹാര സെഷനെക്കുറിച്ചും മന്ത്രി വാചാലനായി. മന്ത്രിക്ക് വിഷയത്തില്‍ നിന്ന് തെന്നിമാറിയതോടെ അമിത് ഷാ മന്ത്രിക്ക് ഒരു കുറിപ്പ് അയച്ചു. സംസാരം അവസാനിപ്പിക്കാന്‍ ആവശ്യപ്പെട്ടായിരുന്നു കുറിപ്പ്. എന്നാല്‍ കുറിപ്പ് അവ?ഗണിച്ച് മന്ത്രി പ്രസം?ഗം തുടര്‍ന്നതോടെ അമിത് ഷാ മൈക്ക് ഓണാക്കി പ്രസം?ഗം നിര്‍ത്താന്‍ ആവശ്യപ്പെട്ടു. എന്നിട്ടും മന്ത്രി പ്രസം?ഗം തുടര്‍ന്നു. ‘അനില്‍ജി, നിങ്ങള്‍ക്ക് അഞ്ച് മിനിറ്റ് അനുവദിച്ചു. നിങ്ങള്‍ ഇതിനകം എട്ടര മിനിറ്റ് സംസാരിച്ചു. ദയവായി നിങ്ങളുടെ പ്രസംഗം അവസാനിപ്പിക്കണം. ഇത്രയും നീണ്ട പ്രസംഗങ്ങള്‍ നടത്താനുള്ള സ്ഥലമല്ല ഇത്. ചുരുക്കി പറയൂ’ എന്ന് അമിത് ഷാക്ക് പറയേണ്ടി വന്നു.

എന്നാല്‍ തനിക്ക് ഒരു കാര്യം കൂടി പറയാനുണ്ടെന്ന് പറഞ്ഞ് അനില്‍ കുറച്ച് സമയം കൂടി ചോദിച്ചു. അമിത് ഷാ അനുവദിച്ചെങ്കിലും അദ്ദേഹത്തിന്റെ സംസാരം നീണ്ടു. ഒടുവില്‍ അസ്വസ്ഥനായ അമിത് ഷാ ഇത് നടക്കില്ലെന്നും അവസാനിപ്പിക്കണമെന്നും കര്‍ശനമായി ആവശ്യപ്പെട്ടു. ആഭ്യന്തര മന്ത്രി അധിക സമയം എടുത്തതിനെ തുടര്‍ന്ന് മുഖ്യമന്ത്രി മനോഹര്‍ലാല്‍ ഖട്ടറിന് അനുവദിച്ച അഞ്ച് മിനിറ്റാക്കി കുറച്ചു. രണ്ട് ദിവസത്തെ പരിപാടിയില്‍ ഒമ്പത് സംസ്ഥാനങ്ങളിലെ മുഖ്യമന്ത്രിമാര്‍ പങ്കെടുക്കും. പ്രധാനമന്ത്രി നരേന്ദ്ര മോദി പരിപാടിയെ അഭിസംബോധന ചെയ്യും.

Related posts:

Leave a Reply

Your email address will not be published.